Byudjet puliga korporativ qilish taqiqlandi
Bu haqda Bosh vazir Abdulla Aripov topshiriq bergan.
Byudjet puli hisobidan korporativ oʻtkazish taqiqlandi, bu haqda Bosh vazir Abdulla Aripov topshiriq bergan.
Barcha vazirlik, idora va boshqa davlat tashkilotlari, mahalliy ijro etuvchi hokimiyat organlari hamda davlat ulushi mavjud xoʻjalik jamiyatlari va tijorat banklariga byudjet va undan tashqari mablagʻlar hisobidan Yangi yil bayrami munosabati bilan korporativ yigʻilishlarni tashkil etish va bayram dasturxonini yozish (xodimlar oʻz oyliklari yoki ragʻbat pullaridan tashkil etishi bundan mustasno) taqiqlandi, deya xabar bermoqda Platina.uz manbasi.
Eslatib oʻtamiz, oʻtgan yili ham bosh vazir topshirigʻi bilan byudjet hisobidan bayram qilish taqiqlangandi.