Qatar amiri Toshkentga keladi
Amir Korrupsiyaga qarshi kurashish sohasida yuksak xalqaro mukofotni tantanali topshirish marosimida ishtirok etadi.
Qatar amiri shayx Tamim bin Hamad Ol Soniy 19 dekabr kuni Toshkent shahriga keladi. Uni Shavkat Mirziyoyev taklif qilgan.
Amir Korrupsiyaga qarshi kurashish sohasida yuksak xalqaro mukofotni tantanali topshirish marosimida ishtirok etadi.
Tashrif doirasida oliy darajadagi muzokaralar ham boʻlib oʻtadi. Shuningdek, prezidentning Qatarga davlat tashrifi davomida siyosat, savdo-iqtisodiyot, investitsiya va madaniy-gumanitar sohalarda erishilgan kelishuvlarning amalga oshirilishi koʻrib chiqiladi. Xalqaro va mintaqaviy kun tartibidagi masalalar yuzasidan ham fikr almashiladi.
Maʼlumot uchun, ushbu mukofot Qatar amiri tashabbusi bilan taʼsis etilgan boʻlib, 2016 yildan buyon har yili global miqyosda korrupsiyaga qarshi kurashga qoʻshgan hissasining eʼtirofi sifatida taniqli jamoat arboblari, ekspertlar va jurnalistlar taqdirlab kelinadi.