Aviatashuvlar hajmi oshiriladi
Yil boshidan 25 ta yangi samolyot olib kelinib, 17 ta yoʻnalish ochilganiga qaramasdan, sohadagi xizmatlar hajmi 7,7 foiz oʻsgan xolos.
Shavkat Mirziyoyev transport vazirligi oldiga kelgusi yilda aviatashuvlar hajmini 20 foizga oshirish vazifasini qoʻydi.
Buning uchun Toshkent shahrini viloyat markazlari bilan bogʻlovchi har kuni kamida 2 tadan reys qoʻyiladi, viloyat markazlarini oʻzaro bogʻlovchi haftasiga kamida 1 tadan reys amalga oshiriladi, kamida 7 ta samolyot olib kelinib, yana 3 ta xalqaro yoʻnalish ochiladi.
Qayd etilishicha, transport xizmatlarining yarmi avtotransportga toʻgʻri keladi. Bu yil 1,5 mingga yaqin avtobus olib kelingan boʻlsa-da, oʻsish 5,5 foizdan oshmagan.
Transport vazirligiga yana kamida 1200 ta avtobus sotib olib, yoʻnalishlarga chiqarish topshirildi. Shuningdek, Qozogʻiston, Qirgʻiziston va Tojikistonga avtobus qatnovlari 2 barobar oshiriladi.
Aviaxizmatlar bozorida ham raqobat paydo boʻldi, 6 ta xususiy kompaniya ish boshladi. Yil boshidan 25 ta yangi samolyot olib kelindi, 17 ta yoʻnalish ochildi. Shunga qaramasdan, sohadagi xizmatlar hajmi 7,7 foiz oʻsgan xolos.