Mirziyoyev Kuvayt tomoniga hamdardlik yoʻlladi
Kuvayt amiri uch yil avval taxtga oʻtirgandi.
Oʻzbekiston Prezidenti Shavkat Mirziyoyev Kuvayt Davlati Valiahdi shayx Mishʼal al-Ahmad al-Jobir as-Sabohga uning akasi, Kuvayt Amiri shayx Navof al-Ahmad al-Jobir as-Saboh vafot etgani munosabati bilan taʼziya yoʻlladi.
Bu haqida Prezidentning matbuot xizmati xabar berdi.
Oʻzbekiston rahbari Kuvayt xalqiga hamda marhumning oila aʼzolariga chuqur hamdardlik bildirdi.
Eslatib oʻtamiz, kecha Kuvayt amiri shayx Navaf al-Ahmad al-Jobir as-Saboh 86 yoshida vafot etgandi. U 2020 yilda taxtga oʻtirgandi.