Toshkent xalqaro tadbirga mezbonlik qiladi
Shavkat Mirziyoyev Qatar delegatsiyasini qabul qildi.
Keyingi haftada Toshkentda Qatar amiri tashabbusi bilan taʼsis etilgan “Korrupsiyaga qarshi kurashishda ulkan yutuqlar uchun” global mukofotini topshirish marosimi oʻtkaziladi.
Shavkat Mirziyoyev Qatarning qonun ustuvorligini taʼminlash va korrupsiyaga qarshi kurashish boʻyicha markazi vasiylik kengashi raisi Ali Muhsin al-Marriy bilan shu tadbirga tayyorgarlikni muhokama qilgan.
Maʼlumot uchun, Oʻzbekiston bilan Qatar oʻrtasidagi koʻp qirrali munosabatlar rivojlanib, oʻzaro savdo va investitsiyalar hajmi ortmoqda, yirik qoʻshma loyihalar tayyorlanmoqda va amalga oshirilmoqda.