Keyingi yilda 10 mingta elektromobil ishlab chiqariladi
Shavkat Mirziyoyev 14 dekabr kuni avtomobilsozlik va qishloq xoʻjaligi mashinasozligini rivojlantirish boʻyicha takliflar taqdimoti bilan tanishdi.
Kelgusi yilda elektrokar zavodi ishga tushirilib, 10 mingta elektromobil ishlab chiqariladi. Shavkat Mirziyoyev 14 dekabr kuni avtomobilsozlik va qishloq xoʻjaligi mashinasozligini rivojlantirish boʻyicha takliflar taqdimoti bilan tanishdi.
Prezident bu yoʻnalishga alohida eʼtibor qaratib, tarmoq korxonalarida elektromobillar uchun butlovchi qismlar tayyorlashni yoʻlga qoʻyish boʻyicha koʻrsatma berdi.
Shuningdek, yengil avtomobil ishlab chiqarish 2030 yilgacha 1 million donaga yetkaziladi. Davlat rahbari “Oʻzavtosanoat”ni transformatsiya qilishni jadallashtirish, xarajatlarni kamaytirishni topshirdi.
