Buxoro hokimligi 443 million soʻmga elektromobil sotib oladi
Buxorodagi ijtimoiy-iqtisodiy tadbirlar uchun 1 mlrd. 83 mln. soʻm ajratiladi.
Buxoro viloyati hokimi Botir Zaripovning farmoyishi bilan 443 million soʻmga hokimlik uchun bir dona elektromobil sotib olinadi.
Mablagʻ viloyat hokimligining rivojlantirish jamgʻarmasi hisobidan sotib olinadi.
Umuman olganda, Buxorodagi ijtimoiy-iqtisodiy tadbirlar uchun 1 mlrd. 83 mln. soʻm ajratiladi.
Ushbu mablagʻdan Buxoro shahridagi uylarga shifer mahsulotini xarid qilish uchun 50 million soʻm, "Maʼnaviyat va maʼrifat" maskanlarini jihozlash uchun 300 million soʻm, elektromobil uchun 443 mln. soʻm, viloyat hokimligi xarajatlarini qoplash uchun 290 mln. soʻm beriladi.
Eslatib oʻtamiz, avvalroq Fargʻonada sportchilar uchun bir milliard soʻmdan oshiq pul berilgandi.
Shuningdek, viloyat hokimlari qanday mashinalarda yurishi boʻyicha ham material eʼlon qilingandi.
