Oʻzbekistonda Gonkong virusi aniqlandi
Bu haqda Sanitariya-epidemiologiya qoʻmitasi raisining birinchi oʻrinbosari Nurmat Otabekov maʼlum qildi.
Oʻzbekistonda grippning A turi (H3N2) — Gonkong virusi bilan kasallanish holati qayd etildi. Bu haqda Sanitariya-epidemiologiya qoʻmitasi raisining birinchi oʻrinbosari Nurmat Otabekov maʼlum qildi.
Shuningdek, yil boshidan buyon 4 ta holatda “choʻchqa grippi” ham qayd etilgan. Grippning bu turi qoʻmitaning hududiy laboratoriyalari tomonidan bemorlardan olingan laborator tahlil natijalariga koʻra aniqlangan.
Nurmat Otabekov oxirgi haftada respublika aholisi oʻrtasida OʻRVI bilan kasallanish oʻtgan haftaga nisbatan 25,5 foizga, Toshkent shahrida 25,4 foizga kamayganini maʼlum qildi. Uning aytishicha, OʻRVI kasalligi koʻrsatkichlarida epidemik boʻsagʻadan 34,3 foizga pastligi kuzatilmoqda.
Mavzuga doir: Yuqumli kasalliklar koʻpaymoqda. Epidemiya xavfi bormi?