Klasterlar paxta xomashyosini birja orqali jahon bozori narxlarida sotib olishadi
“Qishloq xoʻjaligida erkin bozor munosabatlarini yanada rivojlantirishning qoʻshimcha chora-tadbirlari toʻgʻrisida”gi prezident farmoni imzolandi.
Endilikda chigit ekilishidan avval 1 noyabrgacha (keyingi yil hosili uchun 2024 yil 1 fevralgacha), fermer xoʻjaliklari va viloyat ichidagi klaster oʻrtasida tuproq hosildorligi normativlari doirasida fyuchers shartnomalari Tovar-xom ashyo birjasining “paxta xomashyosi seksiyasi”da bir hudud uchun oʻtkaziladigan savdolar orqali tuziladi.
“Qishloq xoʻjaligida erkin bozor munosabatlarini yanada rivojlantirishning qoʻshimcha chora-tadbirlari toʻgʻrisida”gi prezident farmoni imzolandi.
Oldi-sotdi jarayonlari mahalliy va boshqa hokimiyat vakillari aralashuvisiz amalga oshiriladi. Yaʼni fermer oʻzi yetishtiradigan paxtaning miqdorini birjaga joylashtiradi hamda balandroq narx taklif etgan viloyat ichidagi klaster ushbu fermer bilan fyuchers shartnomasini tuzadi.
Boshlangʻich narx Nyu-York birjasidagi paxta tolasining oxirgi 12 oydagi oʻrtacha narxi asosida belgilanadi. Barcha paxta xomashyosini yetishtiruvchi xoʻjaliklarga bir oy muddatda birjada ishtirok etish tartibi yuzasidan oʻquv seminar tashkil etadi hamda ularni roʻyxatdan oʻtkazadi.
