Saraton "chaqiruvchi" mahsulotlar borasida kutilmagan maʼlumot eʼlon qilindi
Olimlar 11 yil davomida 267 ming kishining ovqatlanish tartibini tadqiq qilishgan.
Koʻp hollarda qayta ishlangan va tozalangan ingrediyentlar, konservantlar va emulsifikatorlardan foydalangan holda ishlab chiqarilgan mahsulotlar saraton xavfini oshirishi aytib kelinadi. Biroq, yangi tadqiqot buni rad etdi.
Olimlar 267 ming yevropaliklarning ovqatlanish tartibi va uning taʼsiri haqidagi maʼlumotlarni tahlil qilishdi. Tadqiqot 11 yil davomida oʻtkazildi.
Erkaklar kuniga 400 grammdan ortiq qayta ishlangan oziq-ovqatlarni isteʼmol qildilar, ayollar esa taxminan 330 gramm.
Butun kuzatuv davrida faqat 4461 kishida jiddiy kasalliklar, jumladan, saraton va qandli diabet rivojlangan.
Natijada tadqiqotchilar tomonidan sanoat oziq-ovqat mahsulotlarini isteʼmolchilarda saraton kasalligiga chalinish xavfi 9 foizga oshadi, degan xulosaga kelindi.
Shu bilan birga, ayrim sanoat mahsulotlari saratonni keltirib chiqarishi boʻyicha farazlar asosli deya topilmadi. Misol uchun, saraton bilan yormalar, non, goʻsht oʻrnini bosuvchi mahsulotlar va don mahsulotlari isteʼmoli oʻrtasida bogʻliqlik topilmadi.
Shunga qaramay, olimlar bu mahsulotlarni meʼyorida isteʼmol qilishni maslahat berishadi.