Qozogʻistonda chekka maktablar sinov tariqasida Starlink tarmogʻiga ulandi
Maʼlumotlar uzatish tezligi shu tarzda 200 Mbit/s ga yetadi.
Jahon
8-noyabr 2023 yil
Qozogʻiston hukumati matbuot xizmatining maʼlum qilishicha, mamlakat test rejimida Amerikaning Space X kompaniyasining Starlink texnologiyasidan foydalangan holda 10 ta qishloq maktabini internetga ulagan.
Bu haqda Kursiv.kz xabar bermoqda.
Bayonotda aytilishicha, 2023 yil oktabr oyida 10 ta qishloq maktabi sinov rejimida Space X’ning Starlink texnologiyasidan foydalangan holda keng polosali internetga ulangan.
Matbuot xizmatining qoʻshimcha qilishicha, maʼlumotlar uzatish tezligi shu tarzda 200 Mbit/s ga yetadi.
Qozogʻistonning chekka hududlaridagi jami ikki ming taʼlim muassasasini Starlink tarmogʻiga ulash rejalashtirilgan.
