IIB xodimlari spotterlarni noqonuniy ushlagani maʼlum boʻldi

Ijtimoiy tarmoqlarda yosh spotterlarning qoʻlga olingani haqida xabarlar tarqaldi. 2022 yil 26 yanvarda Vazirlar Mahkamasining “Avispottingni rivojlantirish uchun shart-sharoitlar yaratish chora-tadbirlari toʻgʻrisida”gi qarori bilan Oʻzbekistonda spotting harakati rasman qonuniylashtirilgan.

Voqea Toshkent shahrining Sergeli tumanidagi Qumariq mahallasida sodir boʻlgan. Bolalar havo bandargohi chegaralarini buzmagan holda Toshkent xalqaro aeroporti panjarasi ortida turib samolyotlarni suratga olgan.

Uzbekistan Airports xabariga koʻra, kompaniya Oʻzbekistondagi spotting harakatini qoʻllab-quvvatlaydi va yosh avlod ushbu hobbi bilan shugʻullanishiga toʻsqinlik qilmaydi.

Kompaniya yil boshidan buyon Toshkent aeroporti hududida 30 ga yaqin rejali va rejadan tashqari spotting-turlar tashkil etilganini taʼkidladi.