Turkiya filmlari Ispaniyada taqdirlandi
Dunyoning toʻqson mamlakatidan 3 mingdan oshiq filmlar gʻoliblik uchun bellashdi.
Ispaniyaning Valensiya shahrida tashkillashtirilgan 35- Jahon Turizm filmi taqdirlash marosimida Turkiyaning targʻibot filmlari 3 kategoriyada taqdirlandi.
Turkiyani xalqaro maydonda tanitish maqsadida Madaniyat va turizm vazirligi hamda Turkiya Turizmni targʻib etish va rivojlantirish agentligi (TGA) tomonidan tayyorlangan “Go Türkiye, Go to Nature” filmi “Mamlakatlar” nominatsiyasida ikkinchi oʻrinni egalladi.
“Istanbul is The New Cool” filmi “Shaharlar” nominatsiyasida uchinchilikni, “Go Türkiye, Regions” filmi esa, “Mintaqalar” yoʻnalishida beshinchi oʻrinni egalladi.
Turkiyaning Madriddagi Madaniyat va targʻibot idorasidan olingan maʼlumotga koʻra, 1989 yilda tashkil etilgan Xalqaro Turizm Filmi Festivallari Qoʻmitasi (SIFFT) tomonidan beriladigan mukofotlar uchun bu yil 90 dan ziyod davlatdan 3 mingdan ortiq turizm filmlari gʻoliblik uchun bellashayotgani maʼlum qilindi.
Birlashgan Millatlar Jahon Turizm Tashkiloti (UNWTO) va Yevropa Sayohat Komissiyasi (ETS) kabi turizm sohasidagi yetakchi tashkilotlar tomonidan qoʻllab-quvvatlanadigan turizm filmlari festivalida sayyohlik reklamalari, reklama aksiyalari va ijtimoiy media videoroliklari ishtirok etadi.
Turizm sohasida katta obroʻga ega boʻlgan festivalda Turkiya loyiq koʻrilgan mukofotlarni, Madaniyat va turizm vazirligi hamda TGA nomidan Madrid Madaniyat va targʻibot attashesi Hale Yalchiner qabul qildi.