Oʻzbekistonning Malayziyadagi yangi elchisi tayinlandi
Avvalgi elchi Ravshan Usmonov Buyuk Britaniyada ish boshlagandi.
Karomidin Gadoyev Oʻzbekistonning Malayziyadagi yangi elchisi etib tayinlandi. Bu haqda “Dunyo” AAning maʼlumot berdi.
59 yoshli diplomat shu kunga qadar TIVning BMT va boshqa xalqaro siyosiy tashkilotlar bilan hamkorlik boshqarmasi boshligʻi oʻrinbosari lavozimida ishlab kelgan.
Karomiddin Gadoyev Buxoro viloyati Kumushkent qishlogʻida tugʻilgan. Toshkent davlat universiteti (hozirgi Oʻzbekiston Milliy universiteti) geografiya fakultetini tamomlagan. Geografiya fanlari nomzodi ilmiy darajasiga ega. 1995 yildan buyon Tashqi ishlar vazirligi tizimida, jumladan, markaziy apparatda, Oʻzbekistonning NATOdagi missiyasi va Bryusseldagi elchixonada turli lavozimlarda ishlagan.
Eslatib oʻtamiz, Karomidin Gadoyev 2018–2023 yillarda Kuala-Lumpurdagi diplomatik missiyaga rahbarlik qilgan Ravshan Usmonov oʻrnini egallagan. Oʻz navbatida Usmonov noyabr oyi oʻrtalarida Oʻzbekistonning Buyuk Britaniyadagi elchisi etib tayinlangandi.
