"Asakabank" raisiga oʻrinbosar tayinlandi
U Toshkent moliya institutini tamomlagan, mutaxassisligi – loyihalarni moliyalashtirish.
Sherzod Soliyev "Asakabank" aksiyadorlik jamiyati boshqaruvi raisi oʻrinbosari lavozimiga tayinlandi.
Sh.Soliyev Toshkent moliya institutini tamomlagan, mutaxassisligi – loyihalarni moliyalashtirish. Ishini 2010 yilda "Asakabank"ning investitsion kompaniyasi "Asaka Investment"da boshlagan. 2015-2017 yillarda ushbu bankda, 2018-2022 yillarda Vazirlar Mahkamasida turli lavozimlarda mehnat qilgan.
Tayinlovga qadar 2023 yil mart oyidan beri Vazirlar Mahkamasi Bosh vazir kotibiyatining tahliliy materiallarni tayyorlash xizmati boshligʻi lavozimida ishlagan.