Shaxmat boʻyicha jahon chempioniga 100 million soʻm berildi
Afruza Italiyadagi chempionatda tarixiy natija koʻrsatgandi.
Shaxmatchi Afruza Hamdamovaga 100 mln soʻm, uning murabbiyiga esa 50 mln pul mukofoti berildi. Mazkur mukofot puli Prezidentning tegishli qarorida nazarda tutilgan.
Eslatib oʻtamiz, bir necha kun avval Hamdamova Italiyada oʻtkazilgan shaxmat boʻyicha yoshlar oʻrtasidagi jahon chempionatining 14 yoshgacha boʻlgan yosh toifasida jahon chempioniga aylangandi.
Afruza Oʻzbekiston tarixida shaxmat boʻyicha qizlar oʻrtasidagi ilk jahon chempioni boʻldi.
Shu paytga qadar Gulruhbegim Tohirjonova va Bahora Abdusattorova oʻz yosh toifalarida kumush medalni qoʻlga kiritgan edi.