“Paxtakor” oʻn oltinchi marta Oʻzbekiston chempioniga aylandi
Jamoa 2019 yildan ketma-ket beshinchi marta mamlakat chempioni boʻldi.
Toshkentning “Paxtakor” klubi oʻz tarixida 16-marta Oʻzbekiston chempionligini qoʻlga kiritdi. Juma oqshomida poytaxtliklar Termizda “Surxon” mehmoni boʻlib, 2:1 hisobida zafar quchdi.
Shu tariqa, “Paxtakor” turnir jadvalida 53 ochko jamgʻargan boʻlsa, milliy chempionatning yagona soʻnggi turi oldidan ikkinchi oʻrindagi “Nasaf”dan olti ochko farq bilan oʻtib ketishdi. Demak, toshkentliklar yana bir chempionlikni rasman nishonlashlari aniq boʻldi.
“Paxtakor” 2019 yildan buyon ketma-ket gʻoliblikni qoʻlga kiritib, ketma-ket beshinchi marta mamlakat chempioni boʻldi. Soʻnggi bor 2018 yilda "Lokomotiv" Oʻzbekiston chempionligini qoʻlga kiritdi.
Mustaqil Oʻzbekiston tarixida mahalliy chempionatda “Paxtakor”dan ortiq gʻalaba qozongan jamoa yoʻq. Ikkinchi oʻrinda Fargʻonaning "Neftchi" jamoasi turadi, ular besh marta chempionlikni qoʻlga kiritgan.