Oʻzbekiston inglizlar ustidan gʻalabaga erishdi

Oʻsmirlar oʻrtasidagi jahon chempionati nimchorak final oʻyinida Oʻzbekiston terma jamoasi Angliya termasiga qarshi maydonga tushdi.

Oʻyinda hisobni Amirbek Saidov 4-daqiqada ochgan boʻlsa, 35-daqiqada Joel Ndala hisobni tenglashtirdi. Futbolchilar shu hisob bilan tanaffusga chiqib ketishdi.

Ikkinchi boʻlimning 67-daqiqasida raqib darvozasi tomon belgilangan jarima zarbasini Lazizbek Mirzayev mohirona ijro etdi va Oʻzbekistonni oldinga olib chiqdi.

Endi hamyurtlarimiz chorak finalda oʻz raqibini kutadilar. Chorak finalda bizga Fransiya - Senegal juftligi gʻolibi raqib boʻladi.

JCh U-17, nimchorak final

Angliya - Oʻzbekiston 1:2
Gollar: Ndala 35 - Saidov 4, Mirzayev 67

Chorak final juftliklari

Ispaniya - Germaniya (24.11)
Braziliya - Argentina (24.11)
Mali - Marokash (25.11)
Oʻzbekiston - Fransiya/Senegal (25.11)