Andijon viloyati hokimiga yangi oʻrinbosar tayinlandi
Avvalgi oʻrinbosar tuman hokimi lavozimini egalladi.
Moʻminov Nasibullo Nabiyevich Asaka tumani hokimi lavozimiga tayinlandi. Tayinlovga qadar N.Moʻminov Andijon viloyati hokimining yoshlar siyosati, ijtimoiy rivojlantirish va maʼnaviy-maʼrifiy ishlar boʻyicha oʻrinbosari lavozimida faoliyat yuritib kelgan. Oʻz navbatida uning oʻrniga Andijon viloyati hokim oʻrinbosari etib Komilov Komiljon Sobirovich tayinlandi.
Komiljon Komilov 1980 yilda Oltinkoʻl tumanida tugʻilgan. 2000 yilda Andijon qishloq xoʻjaligi institutini hamda 2002 yilda Toshkent davlat agrar universitetini tamomlagan, deyiladi Andijon viloyati hokimligi xabarida.
Mehnat faoliyatini oʻqituvchilikdan boshlab, taʼlim sohasida bir qancha rahbar lavozimlarida ishlagan.
Ushbu lavozimiga tayinlanguniga qadar Andijon qishloq xoʻjaligi va agrotexnologiyalari instituti rektori lavozimida faoliyat yuritib kelgan.