Oʻzbekiston neft boʻyicha toʻliq mustaqillikka erishadi
Bu haqda Shavkat Mirziyoyev Surxondaryo viloyatini ijtimoiy-iqtisodiy rivojlantirish yuzasidan oʻtkazilgan yigʻilishda aytib oʻtdi.
Geologiya qidiruv ishlari kengaytirilib, yana 100 milliard kub metr gaz zaxiralari ochiladi, 2-3 yilda Oʻzbekiston neft boʻyicha toʻliq mustaqillikka erishadi.
Bu haqda Shavkat Mirziyoyev Termiz shahrida oʻtkazilgan Surxondaryo viloyatini ijtimoiy-iqtisodiy rivojlantirish yuzasidan yigʻilishda aytib oʻtdi.
“Xalqimiz yaxshi hayot kechirsin, ogʻiri yengil boʻlsin, deb Surxondaryoga shu yilning oʻzida uchinchi marotaba juda katta niyatlar va aniq rejalar bilan keldim”, - dedi davlat rahbari.
Boysundagi qariyb 3 milliard dollarlik gaz-kimyo majmuasini ishga tushirish hisobiga yiliga 5 milliard kub metr gaz tozalanib, 6 trillion soʻmlik tabiiy gaz va oltingugurt ishlab chiqariladi, viloyatga yiliga oʻrtacha 120 million dollarlik eksport tushumi qoʻshiladi.
Shuningdek, majmua atrofida kooperatsiya yoʻlga qoʻyilib, qoʻshni tumanlar aholisi uchun ham kamida 2 mingta yuqori daromadli ish oʻrinlari yaratiladi.
Bu yerda 85 megavattli stansiya ham barpo qilingan. U nafaqat majmua ehtiyoji uchun, balki butun Boysun aholisiga yetadigan elektr ishlab chiqaradi.
