Metro poyezdi yana buzilib qoldi
Eslatib oʻtamiz, 23 oktabr kuni ham Shahriston metro bekatida nosozlik sodir boʻlgandi.
Joriy yilning 13 noyabr sanasida soat taxminan 09:15 lar atrofida Oʻzbekiston yoʻnalishining Alisher Navoiy bekatidan harakatlanishni boshlagan 40-sonli harakat tarkibida texnik nosozlik holati kuzatilgan va buning natijasida ushbu harakat tarkibi tonnelning kirish qismida 15 daqiqa vaqt davomida toʻxtatilgan.
Bu "Toshkent metropoliteni" xabar berdi.
Yoʻlovchilarga noqulaylik hosil qilmaslik va yoʻnalishda belgilangan harakat jadvali buzilmasligini oldini olish maqsadida, ortidagi 39-sonli harakat tarkibi orqali tirkamaga olinib, harakat tarkibi tekshiruv yoʻlagiga olib borilgan.
Hozirgi vaqtda yoʻnalishdagi barcha poyezdlar belgilangan jadval asosida harakatlanmoqda.
Eslatib oʻtamiz, 23 oktabr kuni ham Shahriston metro bekatida nosozlik sodir boʻlgan. Avvalroq, vagon eshiklarining ochiq holda harakatlanishi, toʻxtab qolishi va metro vagonida yongʻin ham kuzatilgandi. Shuningdek, avgust oyida aynan Yunusobod yoʻnalishining ikki bekati profilaktika uchun yopilgandi.
