Turkiyada milliondan oshiq mehmonxona barqarorlik tashxisidan namunali oʻtdi
Bu haqda Turkiya Madaniyat va turizm vazirligi maʼlumot berdi.
Turkiya Madaniyat va turizm vazirligi tomonidan WTM da eʼlon qilingan raqamlarga koʻra, Turkiyadagi bir milliondan ortiq mehmonxona yotoqlari barqaror turizm ishonchnomasi va sertifikatlarini qoʻlga kiritdi.
Turkiya Milliy Barqarorlik Turizmi dasturi doirasida 1044189 yotoq sigʻimi boʻlgan 7500 dan ortiq mehmonxona sertifikat olish huquqiga ega boʻldi. Sertifikatlash jarayoni, Turkiyaning hukumat darajasidagi shartnomani imzolagan dunyodagi birinchi davlat boʻlgani, Global Barqaror Turizm Kengashi bilan hamkorlikda ishlab chiqilgan dasturning ajralmas qismidir.
Turkiya Respublikasi Madaniyat va turizm vaziri Mehmet Nuri Ersoy Londondagi “Jahon Sayohat bozori”ning birinchi kunida shunday dedi: “2023 yilning yanvar-sentabr davrida Turkiyaga tashrif buyurganlarning umumiy soni 45 million 230 ming 69 nafarni tashkil etib, 2022 yilning xuddi shu davriga nisbatan 12,4 foizga oʻsdi. Buyuk Britaniya bizning eng muhim maqsadli bozorlarimizdan biridir. ABTAning yillik Sayohat konvensiyasi joriy yilning 29 oktabr va 2 noyabr kunlari Bodrumda boʻlib oʻtgani ham buni tasdiqlaydi. Biz sayyohlik sektorimiz oʻsishiga katta eʼtibor qaratgan boʻlsakda, mamlakatimiz resurslarini kelajak avlodlar uchun himoya qilishga sodiqmiz. 2023 yilning 9-oyiga kelib Turkiyaga 45 milliondan ortiq kishi tashrif buyurdi. Eng yirik turizm hududlarimizdagi bir milliondan ortiq mehmonxona yotoqlari barqarorligi tasdiqlangan va sertifikatlanganligi sababli, Turkiyaga tashrif buyurayotgan koʻplab xalqaro mehmonlar ushbu turar joy binolarida qolayotganini koʻrishdan bagʻoyatda mamnunmiz.”
Turkiya stendi WTM da N8-210 raqamli joydan oʻrin olgan. 808 metr kvadratlik stendda mamlakatning koʻzga koʻringan manzillari, velosport marshrutlari, Milliy barqaror turizm dasturi va butun mamlakat boʻylab 50 ta barqaror turizm tajribalari aks ettiriladi. Stend Turkiyaning boy tarixiy va madaniy merosi bilan bir qatorda barqaror lazzat turizmi imkoniyatlarini ham yoritib beradi.
Turkiyaning toʻrtta yirik turizm mintaqasida Milliy Barqaror Turizm Dasturining borishiga nazar tashlaydigan boʻlsak, Antaliyada 1144, Istanbulda 966, Mugʻlada 639 va Izmirda 488 turar joy obʼekti tasdiqlandi/sertifikatlandi.
