Mirziyoyev temir yoʻl boʻyicha xalqaro kengash tuzishni taklif etdi
Ostonada Turkiy davlatlar tashkilotning navbatdagi sammiti boʻlib oʻtmoqda.
Ostonada boʻlib oʻtayotgan sammitda Oʻzbekiston rahbari Shavkat Mirziyoyev Temir yoʻl idoralari kengashi tuzishni taklif qildi.
Global logistika zanjirlari va transport yoʻlaklarini rivojlantirish va diversifikatsiya qilish, yagona tranzit tarmogʻini shakllantirish masalalari dolzarb ahamiyatga ega.
“Yuk tashuvlariga oʻsib borayotgan talabni qondirish maqsadida Oʻrta koridor salohiyatini kengaytirish choralarini qoʻllab-quvvatlaymiz.
Shuningdek, qoʻshimcha koʻptarmoqli yoʻnalishlarni, jumladan, Xitoy, Janubiy Osiyo va Yevropa bozorlariga mamlakatlarimiz orqali oʻtadigan koridorlarni rivojlantirish hamda transport xizmatlarini raqamlashtirish tarafdorimiz.
Davlatlarimiz Temir yoʻl idoralari kengashini taʼsis etishni va bu tuzilmaning direksiyasini yurtimizda joylashtirishni taklif etamiz”, - deb taʼkidladi Sh.Mirziyoyev Ostona shahrida boʻlib oʻtayotgan Turkiy Davlatlar tashkiloti Davlat rahbarlari kengashining navbatdagi yigʻilishida.