Prezident Administratsiyasida yangi tayinlovlar amalga oshirildi
Toʻrt muhim lavozimga yangi nomzodlar tayinlandi.
Prezident Administratsiyasida qator yangi lavozim tayinlovlari amalga oshirildi:
Gʻayratulla Xabibullayevich Yoziyev - Prezidentning kadrlar siyosati masalalari boʻyicha maslahatchisining birinchi oʻrinbosari lavozimiga tayinlandi.
Tayinlovga qadar Gayratulla Yoziyev Davlat xavfsizlik xizmati raisining oʻrinbosari lavozimida ishlagan.
Qahramon Ramatullayevich Sariyev - Prezidentning kadrlar siyosati masalalari boʻyicha maslahatchisi oʻrinbosari lavozimiga tayinlandi.
Tayinlovga qadar Kaxraman Sariyev Prezidentning davlat xizmati, aholi bilan muloqot va mahalliy hokimiyat organlari faoliyatini muvofiqlashtirish masalalari boʻyicha maslahatchisining birinchi oʻrinbosari lavozimida ishlagan.
Ulugʻbek Islomovich Muxammadiyev -Prezidentning kadrlar siyosati masalalari boʻyicha maslahatchisi oʻrinbosari - Prezident Xalq qabulxonasi rahbari lavozimiga tayinlandi.
Tayinlovga qadar Ulugʻbek Muxammadiyev Prezidentning davlat xizmati, aholi bilan muloqot va mahalliy hokimiyat organlari faoliyatini muvofiqlashtirish masalalari boʻyicha maslahatchisi oʻrinbosari lavozimida ishlagan.
Umar Sapayevich Ismailov - Xalq qabulxonasi rahbarining birinchi oʻrinbosari lavozimiga tayinlandi.
Tayinlovga qadar Umar Ismailov Prezidentning davlat xizmati, aholi bilan muloqot va mahalliy hokimiyat organlari faoliyatini muvofiqlashtirish masalalari boʻyicha maslahatchisi oʻrinbosari lavozimida ishlagan.