Oʻzbekiston futbolchilari 29 yil oʻtib yana sovrindorga aylandi
Timur Kapadze shogirdlari Gongkongga imkoniyat qoldirmadi.
Xirosima-1994 Osiyo oʻyinlaridan keyin futbolchilarimiz yana shohsupada. Oʻzbekiston olimpiya terma jamoasi uchinchi oʻrin uchun kechgan bahsda Gonkongni yirik 4:0 hisobida magʻlubiyatga uchratdi. Shu tariqa, Parij-2024 Olimpiya oʻyinlariga tayyorlanayotgan Timur Kapadze shogirdlari Osiyo oʻyinlarida bronza medallariga sazovor boʻlishdi.
Erkin kurash boʻyicha Parij-2024 Olimpiadasi litsenziati Javrail Shapiyev (-86 kg) oʻz shaxsiy sovrinlari kolleksiyasiga Osiyo oʻyinlari medalini ham qoʻshib qoʻydi. Hamyurtimiz bronza medali uchun kechgan murosasiz bellashuvda bahraynlik Magomed Sharipovni magʻlubiyatga uchratdi.
Erkin kurash boʻyicha Oʻzbekiston terma jamoasi aʼzosi Bekzod Abdurahmonov Osiyo oʻyinlaridagi uchinchi medalini qoʻlga kiritdi. -74 kg vazn toifasida bahs olib borgan hamyurtimiz bronza medali uchun kechgan bellashuvda turkmanistonlik Perman Xommadovdan ustun keldi. Eslatib oʻtamiz, Abdurahmonovning hisobida 2014 va 2018-yilgi Osiyo oʻyinlarining oltin medallari bor.