Turkiyada barqarorligi tasdiqlangan turar joylar soni 6 mingdan oshdi

Turkiyada azaldan qaragʻay va kedr oʻrmonlari, mayin qumli sohillar, tiniq feruza tusli dengizlar va jozibakor tarixiy-madaniy meroslar mavjud. Shunga qaramay, “Milliy Barqaror Turizm Dasturi”ga qoʻshilishi ortidan u barqaror dam olish uchun dunyodagi eng asosiy yoʻnalishlardan biriga aylandi. Ekologik va madaniy boyliklarga ega boʻlgan Turkiya barqarorlik tamoyillariga qatʼiy rioya qiladigan turar joylari va koʻplab eko-turizm imkoniyatlarini taklif qilish bilan ajralib turadi. 30 sentabr holatiga koʻra, Turkiyada barqarorlik doirasida, ayniqsa Antaliya, Istanbul va Mugʻla viloyatlarida 6156 ta tasdiqlangan/sertifikatlangan obʼekt mavjud. Barqarorlik sertifikatiga ega obʼektlar soni tez surʼatlar bilan oʻsib borayotgan boʻlsada, Turkiya turizmida ekologik jihatdan xavfsiz tuzilmalar va barqaror amaliyotlardan foydalangan holda zararli gazlar oqimini kamaytirishga qaratilgan umumiy saʼy-harakatlar ham ortib bormoqda. Ushbu umummilliy tashabbus mahalliy madaniyat va iqtisodiyotni qoʻllab-quvvatlagan holda mehmonlarga mazmunli va unutilmas dam olishni taʼminlaydi.

Turkiya "Dunyoda GSTC bilan Protokol imzolagan birinchi davlat" boʻldi.

Turizm sohasida barqaror oʻzgarishlarni amalga oshirish uchun Turkiya oʻtgan yili sayohat va turizm uchun global standartlarni belgilovchi va boshqaruvchi Global Barqaror Turizm Kengashi (GSTC) bilan milliy dastur ishlab chiqish uchun hamkorlik shartnomasini imzoladi. Bundan tashqari Turkiya hukumat darajasida ushbu shartnomani imzolagan “Dunyodagi birinchi davlat” boʻldi. Turkiya turizm sektorini qayta qurish boʻyicha uch yillik rejasiga muvofiq Milliy Barqaror Turizm Dasturini ham ishlab chiqdi. Dastur bilan Turkiya barqarorlik tamoyillarini destinatsiyalar, turoperatorlar va turar joylarni qamrab olgan barcha turizm rasmiylariga barqarorlik tamoyillarini kiritadi. Barqaror turizm dasturining asosiy maqsadi turar joy obʼektlarining global miqyosda qabul qilingan va 42 ta mezondan iborat boʻlgan Barqaror turizm sertifikatini olishini taʼminlashdan iborat. Bu jarayonda turar joy obʼekti har yili takrorlanadigan sertifikatlash uchun mustaqil baholashdan oʻtkaziladi. Ushbu loyihaga eʼtiborning ortishi bilan Turkiyada barqarorlik tasdiqlangan/sertifikatlangan obʼektlar soni ham sezilarli oʻsib bormoqda. Turkiya Milliy Barqaror Turizm dasturining rejasiga koʻra, 2030 yilga qadar barcha obʼektlar “Barqaror turizm sertifikati”ga ega boʻlishi kerak.

Masʼuliyatli mehmondoʻstlik

Turkiyaning Milliy Barqaror Turizm Dasturi madaniy meros, biologik xilma-xillik, ekotizimlar va tabiiy boyliklarni saqlashda mahalliy aholi uchun ijtimoiy va iqtisodiy foydani maksimal darajaga oshirishni maqsad qilgan. Bundan tashqari, dastur sayyohlikning har jihatdan ekologik tozaligini taʼminlash orqali ifloslanishni kamaytirish va resurslarni himoya qilishga qaratilgan. Dastur orqali barqarorlik sertifikatini olgan turar joy binolari mehmonlarga dunyo miqyosidagi barqaror turar joy tajribasini taklif etadi, shu bilan birga atrof-muhitni muhofaza qilishga yordam beradi. Ekologik toza amaliyotlar bilan tashrif buyuruvchilar diqqat-eʼtiborini oshiradigan obʼektlar mahalliy hamjamiyatga ham foyda keltiradi. Bunday amaliyotlarni adolatli, masʼuliyatli, inklyuziv va diqqatli tarzda amalga oshirish, mahalliy xalqlar va jamoalarning oʻziga xos qadriyatlari hamda madaniyatini qoʻllab-quvvatlash bilan cheklanib qolmay, ularni saqlab qolishga ham yordam beradi.

Turkiyadagi turar joy obʼektlarini baholash tizimi toʻrtta asosiy toifada amalga oshiriladi: "Barqaror boshqaruv", "Madaniy taʼsirlar", "Ijtimoiy-iqtisodiy taʼsirlar" va "Atrof-muhitga taʼsirlar". Obʼektning barqarorlik sertifikatiga erishish yoʻlidagi ilk qadami samarali va barqaror boshqaruvni namoyish etishdan iborat.