Mirziyoyev Rossiya hukumati raisi bilan uchrashdi
Ikki tomonlama iqtisodiy hamkorlik masalalari muhokama qilindi, deyiladi xabarda.
Rasmiy tashrif bilan Moskvada boʻlib turgan Oʻzbekiston Respublikasi Prezidenti Shavkat Mirziyoyev 6 oktabr kuni Rossiya Federatsiyasi hukumati raisi Mixail Mishustin bilan muzokara oʻtkazdi.
Uchrashuv Rossiya Hukumatining Muvofiqlashtirish markazida boʻlib oʻtdi.
Ikki tomonlama iqtisodiy hamkorlik masalalari muhokama qilindi.
Raqamlashtirish, sogʻliqni saqlash, taʼlim sohalarida hamda Oʻzbekistonda elektron savdoni joriy qilish boʻyicha loyihalarni birgalikda amalga oshirish masalalari muhokama qilindi.
Shaharsozlik, uy-joy fondini renovatsiya qilish sohalarida tajriba almashishni yoʻlga qoʻyishga kelishib olindi.
Muzokaralar yakunida Prezidentimiz Rossiya Hukumati Raisini rasmiy tashrif bilan mamlakatimizga kelishga taklif etdi.
Soʻng Oʻzbekiston delegatsiyasi Rossiya Hukumatining Muvofiqlashtirish markazi bilan tanishdi. Mixail Mishustin davlatimiz rahbariga ijro hokimiyati organlarining tezkor va kelishilgan harakatlarini taʼminlash maqsadida tashkil etilgan ushbu doimiy faoliyat yurituvchi idora faoliyati toʻgʻrisida batafsil axborot berdi, deyiladi rasmiy xabarda.