Samarqandda Hollivud aktyori kasalxonaga yotqizildi
Uni darhol shifoxonaga olib borishgan va bir qator tekshiruvlar oʻtkazishgan.
Taniqli Hollivud aktyori Kevin Speysi Samarqandda oʻtayotgan kinofestivalda shifoxonaga yotqizilgan.
64 yoshli aktyor shahardagi Afrosiyob muzeyini tomosha qilayotgan boʻlgan. Oʻzining aytishicha, chap qoʻli bir muddat ishlamagan.
Uni darhol shifoxonaga olib borishgan va bir qator tekshiruvlar oʻtkazishgan, jumladan, MRT ham qilishgan. Qoʻl ishlamasligi ortidan yurak xuruji roʻy berishi mumkin edi, ammo shifokorlar aktyorning ahvoli yaxshiligini aytishgan.