Noyabr oyida qanday ob-havo kuzatilishi maʼlum boʻldi
1 noyabrda kunduzi havo harorati 17-19 daraja iliq boʻladi.
"Oʻzgidromet" 2023 yil noyabr oyida qanday ob-havo kuzatilishi boʻyicha maʼlumot berdi.
Oktabr oyining oxirgi kunida yogʻib oʻtgan yomgʻir va sovuqdan soʻng, noyabr quruq va ancha iliq ob-havo bilan boshlanadi.
Oyning birinchi besh kunligida Oʻzbekistonning barcha hududlari boʻyicha havo biroz bulutli boʻladi, baʼzi joylarda oʻzgarib turadi, yogʻingarchilik kutilmaydi. Shamol birozdan oʻrtacha tezlikkacha e sadi.
1 noyabrda kunduzi havo harorati 17-19 daraja iliq boʻladi, 2-5 noyabr kunlariga 21-24 daraja iliqqacha asta-sekin koʻtariladi. Faqat kechasi va yertalab 5-10 daraja iliq boʻlgan harorat bilan salqin boʻlishi kuzatiladi.
Keyinchalik, oyning oxirigacha, Oʻzgidrometning dastlabki baholashiga koʻra, 2023 yil noyabr oyida respublika hududining katta qismida harorat kechalari 5-10 daraja iliqdan 0-5 daraja iliqqacha, kunduz kunlari 15-20 daraja iliqdan 7-12 daraja iliqqacha oʻzgarib turishi kutilmoqda. Sovuq havo davrlarida esa kechasi va ertalab 0-2 daraja sovuqqacha boʻlishi mumkin.
Respublika shimolida ancha past harorat fonida - harorat kechalari 2-7 daraja iliqdan 2-7 daraja sovuqqacha, kunduz kunlari 10-15 daraja iliqdan 7-12 daraja iliqqacha oʻzgarib turishi kutilmoqda.
Ushbu noyabr oyida yogʻingarchilik meʼyor atrofida, baʼzi joylarda meʼyordan koʻp boʻlishi kutilmoqda. Yogʻingarchilik asosan yomgʻir koʻrinishida yogʻadi, sovuq davrlarda esa qorga aylanadi.