Yil boshidan buyon qancha giyohvandlik moddasi qoʻlga olingani ochiqlandi
Sentabr oyida Toshkent aeroportida soʻnggi oʻttiz yil ichidagi eng yirik giyohvandlik moddalari partiyasi ( 8,5 tonna) ushlab qolingandi.
Oʻtgan 9 oy ichida bojxonachilar 9 ming kilogramga yaqin giyohvandlik vositasi aylanmasini fosh etishdi.
Bu haqda Bojxona qoʻmitasi axborot xizmati rahbari Nurbek Salomov maʼlumot berdi.
Oʻtgan 9 oyda jami:
- 8 ming 935 kilogrammga yaqin giyohvandlik vositalari;
- 619 ming dona psixotrop va kuchli taʼsir etuvchi moddalar;
- 4 mln 800 ming quti tamaki mahsulotlarining noqonuniy aylanmasi fosh etilgan.
Shuningdek, 6,2 trln soʻm miqdoridagi bojxona toʻlovlarini kechiktirib toʻlashga ruxsat berildi. Davlat byudjetiga 40,3 trln soʻm miqdorida mablagʻ oʻtkazildi. Xavflarni boshqarish va yashirin iqtisodiyotga qarshi kurashish yoʻnalishida 780 mlrd. soʻmlik tovarlarning noqonuniy aylanmasiga chek qoʻyildi, deyiladi qoʻmita maʼlumotida.
Taʼkidlash joizki, sentabr oyida Toshkent aeroportida soʻnggi oʻttiz yil ichidagi eng yirik giyohvandlik moddalari partiyasi ( 8,5 tonna) ushlab qolingandi.