Oʻzbekistonning Janubiy Koreyadagi elchixonasi ogohlantirish bilan chiqdi
Oʻtgan yili bir nafar oʻzbekistonlik Seuldagi tiqilinch sabab vafot etgandi.
Oʻzbekistonning Janubiy Koreyadagi elchixonasi ushbu davlatda boʻlib turgan oʻzbekistonliklarni ogohlantirdi.
2022 yil 29 oktabr kuni Hellouin nishonlangan Seulning Itevon koʻchasida tiqilinch roʻy berib, nafas qisilishi va yurak toʻxtashidan 156 kishi halok boʻlgan, 196 nafari esa jarohat olgan edi.
"Ushbu fojia natijasida Oʻzbekiston Respublikasining 1 nafar fuqarosi ham hayotdan bevaqt koʻz yumgan.
Shu munosabat bilan, Oʻzbekiston Respublikasining Koreya Respublikasidagi elchixonasi ushbu davlatda boʻlib turgan vatandoshlarimizga shu kunlarda odamlar gavjum tadbirlar, turli miting va namoyishlarda qatnashmaslikni soʻraydi" deyiladi maʼlumotda.