Rossiyaning Toshkentdagi elchixonasi fuqarolik uchun arizalar qabulini toʻxtatdi
2023 yil 1-choragida 106 mingdan koʻproq xorijlik Rossiya fuqaroligini qabul qilgan.
Rossiyaning Oʻzbekistondagi elchixonasi fuqarolik olish uchun arizalarni qabul qilishni vaqtincha toʻxtatdi. Bu haqda diplomatik vakolatxonaning Telegram kanali xabar berdi.
"Fuqarolik masalalari boʻyicha arizalarni qabul qilish (fuqarolikning mavjudligi/yoʻqligi toʻgʻrisida soʻrovlar bundan mustasno) Fuqarolik masalalarini koʻrib chiqish tartibi toʻgʻrisidagi nizom qabul qilingunga qadar toʻxtatiladi”, — deyiladi xabarda.
Arizalarni qabul qilish yana qachondan boshlanishi aniq aytilmagan.
Taʼkidlash kerakki, 2023 yil 1-choragida 106 mingdan koʻproq xorijlik Rossiya fuqaroligini qabul qilgan. Bu koʻrsatkich oʻtgan yilning mos davriga nisbatan 35 ming kishiga kam.
Joriy davrda Rossiya fuqaroligi uchun ariza berganlar orasida esa Tojikiston fuqarolari birinchi oʻrinda. Oʻzbekiston esa dastlabki oʻntalikka kirgan.