Qoʻlingizda chiqindi bor. Ammo yaqin atrofda chiqindi qutisi yoʻq, nima qilasiz?
Mana shunday holatlar yuzasidan Platina.uz aholi orasida soʻrovnoma oʻtkazdi.
Shaharda aylanib yurar ekansiz, har ikki qadamda chiqindilar toʻplanib yotganiga koʻzingiz tushadi. Birinchi odam “bitta meniki bilan hech narsa boʻlmaydi”- deb tashlaydi. Keyingilar “chiqindi bor ekan” - deb. Qarabsizki, axlat uyumi paydo boʻladi. Ekologiya, atrof muhit tozaligi haqida bot-bot bong urganimiz bilan oʻzimiz unga qanchalik eʼtiborlimiz? Siz yashayotgan hudud tozaligi qanchalik yaxshi?
Mana shunday holatlar yuzasidan Platina.uz aholi orasida soʻrovnoma oʻtkazdi.
Soʻrovnomada qatnashganlarning koʻpchiligi ekologiya dolzarb masala ekanligini unga befarq emasligini taʼkidlagan.
Fikrlar ichida Oʻzbekitonda ekologiya yaxshi deb fikr bildirganlar ham bor. Hudud tozaligini esa yaxshilanganini taʼkidlashmoqda.
Bizning soʻrovnomada qatnashganlar chiqindini qutisigacha koʻtarib borishini, shaxsiy sumkasi yoki mashinasida saqlashini aytgan. Aholining fikricha, chiqindi qutilari yetarli emas.
Talaba qizning fikricha qutilarning yetishmasligi uni doim olib yurishga sabab boʻladi. Doim ham olib yurolmagach ariqlar yechim boʻlishini, ammo iloji boricha qutilarga tashlash kerakligini taʼkidlaydi.
