Navoiy viloyati hokimiga yangi oʻrinbosar tayinlandi
U 2009 yilda Toshkent avtomobil yoʻllar institutini tamomlagan.
Kamolov Erkin Shamsiddinovich Navoiy viloyati hokimining qurilish, kommunikatsiyalar, kommunal xoʻjalik, ekologiya va koʻkalamzorlashtirish masalalari boʻyicha oʻrinbosari lavozimiga tayinlandi. Bu haqida viloyat hokimligi xabar berdi.
Tayinlangunga qadar Avtomobil yoʻllari qoʻmitasi huzuridagi “Qamchiqavtoyoʻl” ixtisoslashtirilgan yoʻllardan foydalanish unitar korxonasi direktori lavozimida faoliyat yuritgan.
Erkin Kamolov 1987 yilda Buxoro viloyati, Gʻijduvon tumanida tugʻilgan. Maʼlumoti oliy, 2009 yilda Toshkent avtomobil yoʻllar institutini tamomlagan.
Avval bu vazifada ishlab kelgan Bekzod Bobomurodov Qiziltepa tumaniga hokim etib tayinlangandi.