Navbahorda irodali gʻalaba, Nasafda ilk magʻlubiyat

OChL guruh bosqichining 3-turida Nasaf ilk marta magʻlubiyatga uchragan boʻlsa, Navbahor irodali gʻalabaga erishdi.

BAAda mehmon boʻlgan qarshiliklarning goli hisobga olinmadi. Sharja futbolchisi Lukasning goli esa oʻyinda yagonaligicha qoldi. Shu tariqa Sharja 7 ochko bilan guruhda peshqadamga aylandi.

Namanganda kechgan dramatik oʻyinda esa Navbahor iroda koʻrsatib, kambek qildi. Nassaji 1:0 hisobida oldinda borayotgandi. Oʻrunov hisobni tenglashtirgan boʻlsa, soʻnggi daqiqalarda mehmonlar oʻziga gol urib qoʻydi.

Olmaliqdagi uchrashuvda OKMK yana bir karra magʻlubiyatga uchradi. Sepaxonning 3 ta goliga olmaliqliklar bir gol bilan javob bera oldi xolos. OKMK ayni paytda guruhda soʻnggi oʻrinda bormoqda.

OChL, guruh bosqichi, 3-tur

OKMK - Sepaxon 1:3
Gollar: Mirahmadov 36 - Rizoyan 32, 49, Asadi 60

Sharja - Nasaf 1:0
Gol: Lukas 45+5

Navbahor - Nassaji 2:1
Gollar: Oʻrunov 73, Abdi 90+7 - Ozodi 44