Vazirlar Mahkamasida yangi tayinlovlar amalga oshirildi
Jumladan, Vazirlar Mahkamasining Oliy Majlisdagi vakolatli vakili tayinlandi.
Abdusattarov Toʻlqin Sayfullayevich Vazirlar Mahkamasining Oliy Majlisdagi Vakolatli vakili etib tayinlandi. Bu haqda Platina.uz manbasi xabar berdi.
Bunga qadar u adliya vaziri oʻrinbosari lavozimida faoliyat yuritgan.
Bundan tashqari Javhar Izamov Bosh vazirning Protokol xizmati rahbari etib tayinlandi. J.Izamov Axborot texnologiyalari va kommunikatsiyalarini rivojlantirish vazirligi xalqaro aloqalar boʻlimi boshligʻi, Oʻzbekistonning Turkmanistondagi elchisi, Tashqi ishlar vazirligi davlat protokoli boshqarmasi boshligʻi lavozimlarida ishlagan.
Bekzod Hidoyatov Bosh vazirning Matbuot xizmati rahbari (Matbuot kotibi) etib tayinlangan. B.Hidoyatov Oʻzbekiston Milliy axborot agentligi — UzA sharhlovchisi, yetakchi muharriri, Kotibiyati mudiri, AOKAda boʻlim boshligʻi va axborot xizmati rahbari, Bosh vazir matbuot xizmati bosh mutaxassisi lavozimlarida ishlagan.