Jahonda eng koʻp smartfon sotayotgan kompaniya maʼlum qilindi
Global smartfon savdosi oʻtgan yilning shu davriga nisbatan 8 foizga qisqargan.
Koreyaning Samsung korporatsiyasi jahon smartfon bozorida yetakchi ekanligini isbotladi. Bu haqda soʻnggi Counterpoint hisobotida aytiladi.
Kompaniyaning jahon smartfon bozoridagi ulushi 20 foizni tashkil etdi. Ikkinchi oʻrinni 16 foizlik ulush olgan Apple egalladi. Xitoy kompaniyasi Xiaomi 12 foiz bilan uchinchi eng mashhur smartfon brendi deb topildi. Quyida esa boshqa Xitoy ishlab chiqaruvchilari: Oppo - 10 foiz, Vivo - 8 foizlik natija qayd etdi.
Agentlik tahlilchilarining taʼkidlashicha, global smartfon savdosi oʻtgan yilning shu davriga nisbatan 8 foizga qisqargan, biroq oʻtgan chorakka nisbatan 2 foizga oshgan. Yaqin Sharq va Afrika yillik savdo oʻsishini qayd etgan yagona bozorga aylandi.
Materialda aytilishicha, ijobiy dinamika yil oxirigacha davom etishi kerak. Bu iPhone 15 chiqarilishi, turli chegirmalar bilan bogʻliq.