Gʻazodagi shifoxonaga hujum: qurbonlar 800 nafarga yetgani xabar qilindi
Falastinda namoyishlar va tartibsizliklar boshlandi.
Gʻazo sektoridagi Al-Ahli Al-Maadani shifoxonasiga uyushtirilgan hujum natijasida 800 kishi halok boʻldi, deb xabar berdi Al-Arabiya telekanali. Bungacha Falastin Sogʻliqni saqlash vazirligi 500 nafar qurbon va jarohatlanganlar haqida xabar bergan.
Sogʻliqni saqlash vazirligi vakilining aytishicha, halok boʻlganlarning barchasi tinch aholi, jumladan, yuzlab bolalardir. Falastin prezidenti Mahmud Abbos qurbonlar xotirasiga uch kunlik motam eʼlon qildi va bayroqlarni tushirishni buyurdi.
Ushbu hujumda Isroil kuchlari ayblanmoqda, ammo mamlakat harbiy kuchlari buni inkor qilgan.
Ushbu hujumdan soʻng Falastinda Mahmud Abbos isteʼfosini talab qiluvchi namoyishlar boshlandi.