Samarqandga “Madaniy turizmning xalqaro poytaxti” maqomi beriladi
Xalqaro turizm akademiyasi tashkil etiladi.
Samarqandda oʻtayotgan Butunjahon turizm tashkiloti (UNWTO) Bosh Assambleyasining 25-sessiyasi doirasida Oʻzbekiston Respublikasi Prezidenti Shavkat Mirziyoyev huzurida Samarqandga “Madaniy turizmning xalqaro poytaxti” maqomini berish toʻgʻrisida deklaratsiya hamda Xalqaro turizm akademiyasini tashkil etish toʻgʻrisida bitim qabul qilindi.
Hujjatlar Oʻzbekiston Respublikasi ekologiya, atrof-muhitni muhofaza va iqlim oʻzgarishi vaziri Aziz Abduhakimov va UNWTO bosh kotibi Zurab Pololikashvili tomonidan imzolandi.
Avvalroq Prezident turizmni yorituvchi jurnalistlar va sayohat blogerlarni birlashtiruvchi Global mediakampus tuzishni taklif qilgandi.
