Shavkat Mirziyoyev MDH sammitida mukofotlandi
Mukofot berish tashabbusi Qirgʻiziston Respublikasi tomonidan koʻtarilgan.
Bugun Bishkek shahrida boʻlib oʻtgan MDH davlat rahbarlarining sammitida Oʻzbekiston Prezidenti Shavkat Mirziyoyev Mustaqil Davlatlar Hamdoʻstligining Faxriy nishoni bilan taqdirlandi.
Mukofot berish tashabbusi Qirgʻiziston Respublikasi tomonidan koʻtarilgan.
Shavkat Mirziyoyev MDHni rivojlantirish, Hamdoʻstlikka aʼzo davlatlar oʻrtasidagi doʻstlik, yaxshi qoʻshnichilik va oʻzaro manfaatli hamkorlikni mustahkamlashga qoʻshgan hissasi uchun Mustaqil Davlatlar Hamdoʻstligining oliy mukofoti bilan taqdirlandi, deyiladi xabarda.
"Shavkat Miromonovichning siyosiy irodasi tufayli bizning davlatlarimiz oʻrtasida chegaralarni delimitatsiya qilish jarayoni oʻz yakuniga yetkazildi va oʻn yillardan buyon yechilmay kelayotgan muammolar hal boʻldi" dedi Qirgʻiziston prezidenti Sadir Japarov.
MDHning Faxriy nishoni tashkilot oliy mukofoti sanaladi. U MDH Davlat rahbarlari kengashining 2002 yil 7 oktabrdagi qarori bilan taʼsis etilgan.