Putin xalqaro hibs eʼlon qilingach, ilk bor xorijga chiqadi
17 mart kuni Gaagadagi Xalqaro jinoiy sudi Putinni hibsga olish boʻyicha qaror chiqargandi.
12-13 oktabr kunlari Rossiya prezidenti Vladimir Putin Qirgʻiziston Respublikasiga rasmiy tashrif bilan keladi. Bu uning Xalqaro sud hukmidan keyingi ilk xorijiy tashrifidir.
Bu haqda Kreml matbuot xizmati xabar berdi.
Putin shuningdek, Bishkek shahrida boʻlib oʻtadigan MDH Davlat rahbarlari kengashi yigʻilishida ishtirok etadi.
Eslatib oʻtamiz, shu yilning 17 mart kuni Gaagadagi Xalqaro jinoiy sud Putinni hibsga olish boʻyicha qaror chiqargandi. Rossiya prezidenti Ukrainaning bosib olingan hududlaridan bolalarni Rossiyaga noqonuniy ravishda deportatsiya qilganlikda gumonlanmoqda.
MDH Davlat rahbarlari kengashi yigʻilishida Oʻzbekiston prezidenti Shavkat Mirziyoyev ham ishtirok etadi.