Oʻzgidromet qor va yomgʻirdan ogohlantirdi

Oʻzgidromet agentligining Platina.uz saytiga taqdim etgan maʼlumotiga koʻra, 11-13 oktabr kunlari Oʻzbekiston boʻylab yomgʻir yogʻadi, baʼzi joylarda qorga aylanishi mumkin.

Xususan:

• Qoraqalpogʻiston, Xorazm viloyatida 11 oktabrda 1-5 mm, Xorazm viloyatida baʼzi joylarda 10 mm.gacha yomgʻir yogʻadi. Harorat kechasi 5-10°, kunduzi 15-20° boʻladi. 12 oktabrda baʼzi joylarda 3-6 mm, Qoraqalpogʻiston shimolida 10 mm.gacha yomgʻir yogʻadi. Harorat kechasi 3-8°, kunduzi 12-17° boʻladi.
• Buxoro, Navoiy viloyatlarida 12 oktabrda baʼzi joylarda 2-7 mm yomgʻir yogʻadi. Harorat kechasi 11-16°, kunduzi 20-25° boʻladi.
• Toshkent, Sirdaryo viloyatlarida 12 oktabrda baʼzi joylarda 2-7 mm yomgʻir yogʻadi. Harorat kechasi 11-16°, kunduzi 22-27° boʻladi. 13 oktabrda kechasi va ertalab 10-15 mm yomgʻir yogʻadi. Harorat kechasi 6-11°, kunduzi 12-17° boʻladi.
• Samarqand, Jizzax, Qashqadaryo viloyatlarida 12 oktabrda baʼzi joylarda 2-7 mm yomgʻir yogʻadi. Harorat kechasi 11-16°, kunduzi 22-27° boʻladi. 13 oktabrda kechasi va ertalab 2-7 mm yomgʻir yogʻadi. Harorat kechasi 6-11°, kunduzi 12-17° boʻladi.
• Surxondaryo viloyatida 13 oktabrda 2-7 mm yomgʻir yogʻadi. Harorat kechasi 8-13°, kunduzi 14-19° boʻladi.
• Andijon, Namangan, Fargʻona viloyatlarida 13 oktabrda 2-7 mm yomgʻir yogʻadi. Harorat kechasi 7-12°, kunduzi 15-20° boʻladi.
• Toshkent, Qashqadaryo, Namangan viloyatlari togʻ oldi va togʻli hududlarida 12 oktabrda 5-10 mm yomgʻir yogʻadi; 13 oktabrda togʻ oldi hududlarda yomgʻir yogʻadi, togʻli hududlarda 10-15 mm, baʼzi joylarda 20 mm gacha yogʻingarchilik (yomgʻir qorga aylanishi mumkin) boʻladi.
• Fargʻona vodiysi togʻli hududlarida 13 oktabrda baʼzi joylarda yomgʻir yogʻadi, baland togʻli hududlarda 5-10 mm qorga aylanishi mumkin.

15 oktabrdan respublika boʻyicha harorat asta-sekin koʻtarilishi kutilmoqda.