Avstriyada ikki oʻzbekistonlik aviahalokatga uchradi
Shifokorlarning xabar berishicha, K.N. va A.X.larga zarur yordam koʻrsatilmoqda.
4 oktabr kuni Avstriyaning Diks shahri yaqinida oʻquv samolyotida boʻlgan ikki nafar Oʻzbekiston fuqarosi halokatga uchragan. Bu haqda "Dunyo" AA xabar berdi.
Oʻzbekiston elchixonasi xabariga koʻra, 21 yoshli K.N. va A.X. Sloveniyadagi "Aviation Career Center" aviamaktabining talabalari va hozirda Karintiya federal yeri klinikalarda davolanmoqda.
Oʻzbekiston diplomatlari vatandoshlar bilan bogʻlandi. Shifokorlarning xabar berishicha, K.N. va A.X.larga zarur yordam koʻrsatilmoqda.
Shuningdek, elchixona Karintiya huquq-tartibot idoralari vakillari, tibbiyot muassasalari maʼmuriyati va boshqa tegishli tashkilotlar bilan aloqa oʻrnatdi va vaziyatni nazoratga oldi, deyiladi xabarda.
