Shavkat Mirziyoyev keyingi hafta Qirgʻizistonga boradi
U yerda 13 oktabr kuni MDH davlat rahbarlari kengashi majlisi boʻlib oʻtadi.
Prezident Shavkat Mirziyoyev keyingi hafta oxirida Qirgʻiziston poytaxti Bishkek shahriga borishi kutilyapti.
U yerda 13 oktabr kuni MDH davlat rahbarlari kengashi majlisi boʻlib oʻtadi. Unda hamdoʻstlikka aʼzo mamlakatlar rahbarlari, xususan, Oʻzbekiston prezidenti ham ishtirok etadi.
Sadir Japarov raisligida oʻtadigan tadbir davomida hamdoʻstlikka aʼzo davlatlar oʻrtasida savdo-iqtisodiy va madaniy-gumanitar sohalardagi hamkorlikni kengaytirish va mustahkamlashga qaratilgan muhim qarorlar qabul qilinadi.
Eslatib oʻtamiz, MDH davlat rahbarlarining avvalgi sammiti 2022 yil dekabrda boʻlib oʻtgan edi.
Ayni paytda Shavkat Mirziyoyev Rossiyaga tashrifini Tataristondan boshlagan. Uni Qozon aeroportida respublika rahbari Rustam Minnixonov kutib olgan.