Shavkat Mirziyoyev ilk bor Tataristonga boradi
Mirziyoyevning tashrifi keng koʻlamli boʻlishi, jumladan u respublikadagi ayrim sanoat korxonalariga tashrif buyurishi kutilmoqda.
Oʻzbekiston Prezidenti Shavkat Mirziyoyev 5 oktabr kuni Qozon shahriga boradi. Bu prezidentning Tataristonga birinchi amaliy tashrifi boʻladi. Bu haqda mahalliy "Biznes onlayn" nashri xabar berdi.
Mirziyoyevning tashrifi keng koʻlamli boʻlishi, jumladan u respublikadagi ayrim sanoat korxonalariga tashrif buyurishi kutilmoqda.
4 oktabr kuni Kazan Expo koʻrgazmasida Rossiya va Oʻzbekiston oʻrtasidagi mintaqalararo hamkorlikning uchinchi forumi boʻlib oʻtadi. Forumda Rossiya delegatsiyasiga hukumat raisining oʻrinbosari – sanoat va savdo vaziri Denis Manturov boshchilik qilishi rejalashtirilgan. Shu kuni Oʻzbekiston Respublikasi Bosh vaziri oʻrinbosari Jamshid Xoʻjayevning ham tashrifi kutilmoqda. Manbalarning xabar berishicha, tashrif chogʻida Xoʻjayev Tatariston Respublikasi sanoatchilari bilan uchrashishi rejalashtirilgan.