"Dunyodagi eng xavfli davlat" nomi oshkor qilindi
Shimoliy Koreya harbiylari AQShning chaqiriqlariga javob berishda davom etishi iddao qilingan.
KXDR Mudofaa vazirligi AQShni ommaviy qirgʻin qurolidan foydalanish tahdidining eng katta manbai deb atadi. Shu sababli "Qoʻshma Shtatlar dunyodagi eng xavfli mamlakatdir".
KXDR harbiy departamenti Pentagonning ommaviy qirgʻin qurollariga qarshi kurash boʻyicha yangi strategiyasi yuzasidan bayonot eʼlon qildi, unda Amerika tomonining kimyoviy, biologik va yadroviy qurollarni qoʻllash xavfi ortgani taʼkidlanadi.
Shu bilan birga, Rossiya va Xitoy bu sohadagi asosiy muammo tugʻdiruvchi davlatlar sifatida nomlandi. Shimoliy Koreya esa "doimiy tahdid" deb atalgan.
KXDR tomoniga koʻra, "doimiy tahdid" tushunchasi koʻproq AQShning oʻziga toʻgʻri keladi, chunki aynan shu davlat dunyoda ommaviy qirgʻin qurollarining eng katta zaxiralariga ega.
Shimoliy Koreya Mudofaa vazirligi Qoʻshma Shtatlarni "dunyodagi yagona yadro urushi jinoyatchisi" deb taʼrifladi, u 20-asrdan boshlab KXDRni "dushman davlat" deb belgilab, misli koʻrilmagan yadroviy tahdid va shantajni asta-sekin kengaytirdi, deyiladi xabarda.
Shimoliy Koreya harbiylari AQShning chaqiriqlariga javob berishda davom etishi iddao qilingan.