Ilon Maskning Zelenskiy haqidagi memi katta mojaroga aylanmoqda
Eslatib oʻtamiz, bu Ilon Maskning Ukraina borasida birinchi ziddiyatli bayonoti emas.
Ukraina prezidenti devoni rahbari maslahatchisi Mixail Podolyak amerikalik tadbirkor Ilon Maskni Rossiyani qoʻllab-quvvatlashda aybladi. Ilon Mask X (sobiq Tvitter) tarmogʻida Ukraina prezidenti Vladimir Zelenskiyning Gʻarb yordamiga qaramligini masxara qilgan.
“Bugungi kunda Ukraina boʻyicha har qanday sukunat yoki kinoya Rossiya tomoniga soʻzsiz daldadir”, — deb yozdi Mixail Podolyak oʻzining Telegram-kanalida.
Eslatib oʻtamiz, bu Ilon Maskning Ukraina borasida birinchi ziddiyatli bayonoti emas. Avvalroq u Ukrainaning sharqiy hududi asosan rus tilida muloqot qilishiga ishora qilib, ularga tanlov erkinligi berishni aytgandi.
Shuningdek, u Qrimga hujum qilishga hozirlangan Ukraina kuchlariga Starlink maʼlumotlaridan foydalanish imkoniyatini ham taqdim etmagan.