07-yanvar, 2023

Oʻzbekiston armiyasi dunyodagi eng kuchli armiyalar reytingida 62-oʻrinni egalladi

Oʻzbekiston armiyasi 2023 yilgi dunyodagi eng kuchli armiyalar reytingida 145 davlat orasida 62-oʻrinni egalladi. Tegishli reyting Global Firepower xalqaro kompaniyasi tomonidan eʼlon qilindi. Reytingda kuchli oʻntalikni AQSh, Rossiya, Xitoy, Hindiston, Buyuk Britaniya, Janubiy Koreya, Pokiston, Yaponiya, Fransiya va Italiya egalladi. Reyting PwrIndx — kuch indeksi boʻyicha tuzilgan, u qanchalik past boʻlsa, mamlakat shunchalik kuchli armiyaga ega boʻladi. Hozircha hech bir davlat 0,0000 harbiy kuchning maksimal koʻrsatkichiga erishmagan. Oʻzbekiston 1.0692 indeksini olgan. Markaziy Osiyo davlatlari harbiy qudrati boʻyicha quyidagi oʻrinlarni olgan:

Oʻzbekiston — 62-oʻrin (1.0692 indeks)
Qozogʻiston — 63-oʻrin (1.0873 indeks)
Turkmaniston — 82-oʻrin (1.5986 indeks)
Qirgʻiziston — 107-oʻrin (2.1073 indeks)
Afgʻoniston — 114-oʻrin (2.3118 indeks)
Tojikiston — 120-oʻrin (2.6403 indeks)

Global Firepower reytingini tuzuvchilar roʻyxatga kiritilgan mamlakatlar armiyalarining tank, samolyot, harbiy kema va boshqalar soni haqida batafsil maʼlumotlarni taqdim etadi. Unga koʻra, Oʻzbekistonda xizmatni oʻtashga yaroqli inson resurslarining umumiy soni 13,5 million kishini tashkil qiladi. Har yili harbiy chaqiruv 622 ming kishiga toʻldirilmoqda. Ayni paytda Oʻzbekiston qurolli kuchlarida 65 ming kishi xizmat qilmoqda.