Oʻzbekiston Osiyo oʻyinlarida ikki pogʻona pastlab ketdi
Jamoa hisobida jami 31 dona medal bor.
Oʻzbekiston delegatsiyasi Xitoyda boʻlib oʻtayotgan Osiyo oʻyinlarida 6 ta oltin, 10 ta kumush va 15 ta bronza medali bilan umumjamoa hisobida 6-oʻringa tushdi.
Kuni kecha futbol terma jamoasi Indoneziyani yengib, keyingi bosqichga yoʻl oldi.
Bokschi Rayhon Qodirova qatarlik Dana al-Jaborni muddatidan avval yengdi.
Hasanboy Doʻstmatov qozogʻistonlik Saken Bibossinovni yengdi va chorak finalga chiqdi. Asadxoʻja Moʻydinov esa filippinlik raqini magʻlub etdi.
Futbolchi qizlarimiz Xitoy termasini yirik 6:0 hisobida yutdi.
Qilichbozlikning sablya yoʻnalishi boʻyicha Oʻzbekiston ayollar terma jamoasi oʻzining muvaffaqiyatli yurishini davom ettirmoqda. Zaynab Dayibekova, Gulistan Perdibayeva hamda Paola Pliyegodan iborat jamoamiz finalga yoʻl oldi.
Ular shiddatli yarim final jangida Xitoy ustidan 45:43 hisobida gʻalaba qozonib, oltin medal uchun maydonga chiqadigan boʻlishdi
Bugun delegatsiya aʼzolari 12 ta sport turlarida medallar uchun kurashadi.
Qoʻshnilarimizdan Qozogʻiston 11 oʻringa (+1) koʻtarilgan boʻlsa, Tojikiston 19 (-2), Qirgʻiziston 21 (-3) va Turkmaniston 30 oʻringa (-1) tushib ketdi.