Tan olinmagan Qorabogʻ respublikasi tugatilmoqda
Farmonda, shuningdek, aholi Qorabogʻda qolish-qolmasligini oʻzlari hal qilishi mumkinligi aytilgan.
Tan olinmagan Qorabogʻ respublikasi rahbari Samvel Shahramanyan tuzilmaning mavjudligini tugatish toʻgʻrisidagi farmonni imzoladi.
Samvel Shahramanyanning farmoniga koʻra, tan olinmagan respublika 2024 yil 1 yanvardan oʻz faoliyatini toʻxtatadi. Farmondan kelib chiqqan holda, tuzilmaning barcha davlat organlari va muassasalari tugatilishi kerak.
Farmonda, shuningdek, aholi Qorabogʻda qolish-qolmasligini oʻzlari hal qilishi mumkinligi aytilgan.
Respublikani tarqatib yuborish toʻgʻrisidagi qaror 2023 yil 19 sentabrdan keyin yuzaga kelgan vaziyatdan kelib chiqqan holda qabul qilindi, deb yozadi “Armenpress” Togʻli Qorabogʻ axborot shtabining bayonotiga tayanib.
Oʻsha kuni Ozarbayjon Togʻli Qorabogʻda "konstitutsiyaviy tuzumni tiklash" maqsadida "mahalliy aksilterror choralari" boshlanganini eʼlon qilgandi. Operatsiya natijasida tan olinmagan respublika taslim boʻldi.